კლინიკა ‘’ანიმა’’-ს შექმნის სტიმული გახლდათ ჩემი მრავალწლიანი გამოცდილება რეპროდუქციული მედიცინის სფეროში, უშვილობის მკურნალობის კუთხით მიღწეული შედეგები და კმაყოფილი პაციენტები, რამაც მომცა უდიდესი სტიმული მუდმივად მეფიქრა განვითარებაზე და შემომეთავაზებინა მაღალი ხარისხის, საერთაშორისო სტანდარტების შესაბამისი, შედეგზე ორიენტირებული მომსახურება და სერვისი რომელიც მკურნალობის პროცესს უფრო ეფექტურს გახდიდა.

‘’ანიმა’’-ში დაგხვდებათ ოჯახური გარემო და მაქსიმალურად მოგაშორებთ იმ სტრესს რომელიც შესაძლებელია თან ახლდეს ‘’ინ ვიტრო განაყოფიერების პროცესს .

კლინიკა ფუნქციონირებს მრავალპროფილური საავადმყოფოს ბაზაზე რაც მნიშვნელოვანი უპირატესობაა და შესაძლებლობას იძლევა, პაციენტმა, ერთ სივრცეში, მიიღოს სრული მომსახურება ჩასახვიდან მშობიარობის ჩათვლით . ჩაიტაროს ნებისმიერი კვლევა და ანალიზი, გაიაროს კონსულტაცია სხვადასხვა მიმართულების სპეციალისტებთან.

ჩვენი პაციენტები პროფესიონალების მეთვალყურეობის ქვეშ იქნებიან ჩასახვიდან მშობიარობის ჩათვლით, ყოველივე ეს კომფორტულს და მოსახერხებელს გახდის მკურნალობის პროცესს.

გუნდური მუშაობის პრინციპი და სხვადასახვა პროფილური ექიმების ჩართულობას მივყავართ იმ შედეგამდე როგორიც არის ჯანმრთელი ახალშობილის დაბადება..

პროფესიონალთა გუნდი,ულტრათანამედროვე აპარატურა და ტექნოლოგიები, მაღალეფექტური მკურნალობის სტანდარტი და პროტოკოლები, გამჭვირვალობა და ღიაობა - ის უპირატესობებია, რაც რეპროდუქციულ კლინიკას ,,ანიმა“ თქვენთვის სანდო და საიმედო პარტნიორად აქცევს.

გვჯერა, რომ კლინიკა „ანიმა“ გახდება ადგილი, სადაც თქვენი ოჯახის ყველაზე ბედნიერი მომენტები დაგაკავშირებთ, ადგილი სადაც ახალი სიცოცხლე გაჩნდება და თქვენი მომავალი გაგრძელდება. ჩვენ გავაკეთებთ ყველაფერს, რომ თქვენი ოცნება რეალობად იქცეს.